Диск голф го освојува светот, а го нема во Македонија!? ↓↓↓
Вчера во претставија своето најскапо засилување во историјата, Филипе Кутињо, а веќе денес медиумите во Шпанија пишуваат за новото мега-засилување на Барселона.
Имено, шпанските медиуми се убедени дека Барселона за следното лето спрема уште еден мегатрансфер, а станува збор за Антоан Гризман!
Од Барселона се спремни да испратат понуда која Французинот нема да може да ја одбие. Имено, „Кадена Сер“ пренесува дека Каталонците ќе му понудат годишна плата од 15 милиони евра, а во моментов на „Камп Ноу“ само Меси заработува повеќе.
Само за споредба, Гризман во моментов во Атлетико Мадрид заработува 6,5 милиони евра по сезона и е трет најплатен играч после Коке и Диего Годин.
Antoine Griezmann could follow Philippe Coutinho to @FCBarcelona in summer, says @GuillemBalague: https://t.co/DPmLhmP41d pic.twitter.com/rTfmsT4HeV
— Sky Sports LaLiga (@SkyRevista) January 8, 2018
Минатото лето Гризман одби да го напушти Атлетико поради казната за трансфери која ја имаа „јорганџиите“, но јасно е дека на крајот на сезоната ќе ја промени средината.
Во неговиот договор има откупна клаузула од 100 милиони евра, која воопшто нема да биде проблем за Каталонците.
Единствена закана за Барселона во моментов претставува Манчестер Јунајтед кој исто така силно го посакува Французинот. Сепак, Каталонците се убедени дека со понудата од 15 милиони евра по сезона ќе го натераат Гризман да го избере „Камп Ноу“ пред „Олд Трафорд“.
