Диск голф го освојува светот, а го нема во Македонија!? ↓↓↓
Италијанските и шпанските медиуми пренесуваат дека Барселона и Јувентус постигнале согласност за трансфер на Самуел Умтити во редовите на италијанскиот шампион.
Двата клуба беа силно заинтересирани за младиот дефанзивец на Ајакс, Матијас де Лихт, но се чини дека Барселона ја доби трката за Холанѓанецот.
Двата клуба постигнале „џентлменски договор“ така што Јувентус да се отлаже од лецитацијата за Де Лихт, но да има предност при купувањето на Умтити.
Челниците на „старата дама“ се во потрага по играч кој треба да биде замена за легендарниот дефанзивец, Џорџо Киелини, а во клубот веруваат дека Умтити е идеална опција за таа позиција.
Италијанските медиуми открија дека Јувентус во наредните денови ќе испрати и официјална понуда за Французинот, која ќе изнесува помеѓу 60 и 70 милиони евра.
Diario AS: #FCBarcelona 'agree pact' with #Juventus for Samuel Umtiti deal, leaving Barcelona a free run at #Ajax captain Matthijs de Ligt https://t.co/1chpDVnKPf pic.twitter.com/wBh6zDbHxC
— Football España (@footballespana_) April 15, 2019
Умтити има договор со Барселона до 2023 година, но Каталонците се цврсто решени да го привлечат Матијас де Лихт за партнер на Жерерд Пике, со што ќе му ја отворат излезната врата на Французинот.
Од почетокот на сезоната Умтити се мачи со повреди и одигра само 10 меча за Барселона, но во претходните сезони покажа дека е еден од најдобрите дефанзивци во Европа.
