Диск голф го освојува светот, а го нема во Македонија!? ↓↓↓
Претседателот на минхенски Баерн, Карл-Хајнц Румениге, изјави дека иднината на тренерот Анчелоти во клубот „не е предмет на расправа“.
Баерн Минхен, во последните две недели доживеа две болни елиминации, во Лигата на шампионите од Реал и во националниот Куп од Борусија Дортмунд.
„Карло е добар и искусен тренер. Познато е колку е времетраењето на неговиот договор и тука нема простор за дискусија. Се случија некои работи на кои не можевме да влијаеме. Повреди, судии, недостиг на среќа“, изјави Румениге.
Карло Анчелоти минатото лето пристигна во Минхен и потпиша тригодишен договор со Баерн.
И покрај елиминацијата во ЛШ и Купот на Германија, Баерн е на добар пат петти пат во низа да ја освои титулата во Бундеслигата. Доколку викендов Баерн го победи Волфсбург, а Лајпциг не го совлада Инголштат, тогаш и теоретски ќе стане шампион.
