Александар Вучковски - сомелиер: Како македонските вина го освојуваат светот? ↓↓↓
Обединетите Арапски Емирати денеска ја лансираа својата прва мисија на Марс од космодромот во Јапонија. Оваа вселенска мисија е прва меѓупланетарна мисија на арапска земја.
Лансирањето на ракетата наречена „Ал Амал” од вселенскиот центар „Танегашима”, на мал остров на југот на Јапонија, првично беше планирано за минатата среда, но беше одложено поради лошите временски услови.
Ракетата ќе носи инструменти за проучување на горното ниво на атмосферата и следење на климатските промени на Марс, а околу оваа планета треба да кружи најмалку две години.
Обединетите Арапски Емирати наведуваат дека на овој начин, за првпат, ќе може да се добие целосен увид во атмосферата на Марс во различни периоди.
– Мисијата на емиратите чини 200 милиони долари, рече министерката за напредни науки Сара Амири.
Обединетите Арапски Емирати досега лансираа три набљудувачки сателити, но ниту еден не излегол од орбитата на земјата.
Јапонија има своја мисија на Марс, која е планирана за 2024 година.
