Кој ќе тепа на Ел Класико!? ↓↓↓
Селекторот на фудбалската репрезентација го објави списокот на играчи на кои смета за квалификацискиот натпревар за пласман на Европското првенство против Шпанија во Гранада, што ќе се одигра на 12-ти ноември.
Селекторот Ангеловски повика 21 фудбалер за натпреварот против Шпанија, а осуммина од нив се членови на младата репрезентација која избори пласман на Европското првенство.
Најголеми промени има на голманската позиција, каде за место на голот ќе конкурираат Алексовски, Димитриевски и Гачевски.
Во нападот, покрај стандардната тројка Пандев, Нестороски, Ибраими, е придодаден и Кире Маркоски, а на списокот ги нема Адис Јаховиќ и Иван Тричкоски.
„На списокот има осуммина од младата репрезентација до 21 година вклучувајќи го и Ѓорѓев. Тоа е дел од целите што беа најавени, да се создаде млад и компактен тим, спој на младост и искуство. Може да кажам дека најдобрите од овој список ќе бидат стартери. Нема веќе млади и стари, ова е А репрезентација во која се одбрани најдобрите со кои располагаме во моментов“, истакна Ангеловски.
