Александар Вучковски - сомелиер: Како македонските вина го освојуваат светот? ↓↓↓
Врховниот суд на Соединетите Американски Држави (САД) денеска ја донесе пресудата со која се укинува полувековното право на абортус.
Судот во кој доминираа конзервативците ја поништи одлуката „Ро против Вејд“ од 1973 година со која се гарантира правото на жената на абортус.
„За“ одлуката гласаа шест судии, а против беа тројца.
Судот соопшти дека државите можат сами да ја дозволат или ограничат постапката.
Во пресудата „Ро против Вејд“ од 1973 години, Врховниот суд со седум гласа „за“ и два против и даде право на жените на абортус, заштитено со американскиот устав.
Со таа одлука жените во Америка имаа апсолутно право на абортус во првите три месеци од бременоста, но дозволи ограничувања во вториот триместар и го забрани абортусот во третиот семестар.
Досега судот им дозволуваше на федералните држави да го регулираат, но не и да го забранат абортусот.
Апелациониот суд на САД повторно го забрани абортусот во Тексас
„Уставот не дава право на абортус. Одлуката од 1973 е поништена, а моќта за регулирање на абортусот е вратена на народот и неговите избрани претставници“, соопшти Судот.
Се очекува половина од американските држави да воведат нови ограничувања или забрани, а милиони жени во САД ќе го изгубат ова постојно законско право, пишува Би-Би-Си.
