Американски истражувачи: Лекарите треба да препишуваат вибратори

Новите истражувања укажуваат дека редовната употреба на вибратор е корисна за здравствената состојба на жените, но сепак потребни се дополнителни студии за да се потврди, вели дански лекар.

Вибраторите не се само забавни секс играчки.

Всушност, здравствените придобивки се чини дека се толку големи што лекарите – особено специјалистите по гинекологија и акушерство – треба да препишуваат вибратори на пациентките. Така барем мисли група истражувачи од медицинскиот центар Cedar-Sinai, САД, пишува Videnskab.dk.

Тие ги прикажале своите наоди и препораки на конференција организирана од страна на Американското здружение за урологија, и објавиле кратко резиме од целото нивно истражување во Весникот за урологија (The Journal of Urology) Во резимето, тие пишуваат дека се чини дека има неколку здравствени придобивки за жените кои редовно користат вибратори или дилда.

Претходните истражувања веќе покажаа дека редовната мастурбација позитивно влијае врз здравјето на жените – и физички и психолошки. Од друга страна пак, вибраторите како помагала се до сега не биле научно проучувани. Но, сега истражувачите веруваат дека е време вибраторите да се сметаат како медицински помагала.

Според Трине Јакоби Нотруп, вонреден професор на Универзитетот во Копенхаген, навистина е интересно да се истражуваат здравствените ефекти на вибраторите.

„Навистина е важно да научиме многу повеќе за вибраторите“, вели Трине Јакоби Нотруп, која исто така е д-р. и виш лекар на Одделот за онкологија, Клиника за рак на желудник и рак на мозокот, во Ригшоспиталет.

„Оваа област треба добро да се проучи и да се разбере – особено во однос на болките во пределот на гениталиите кај жените, што всуност е облас која не е доволно проучена“, ​​вели главниот лекар. „Па, можеби ќе има добри резултати и позитивен ефект, особено кај пациенти кои имаат многу болки во гениталиите или биле подложени на големи операции или други третмани на нивните гениталии. Затоа, интересно е да се види дали вибраторите можат да помогнат во ова.“

Главниот автор на студијата, д-р. по акушерство и гинекологија Александра Дубинскаја за Newsweek вели дека разговорот за мастурбација и вибратори е сеуште табу тема. Таа започнала систематски преглед на медицински бази на податоци за да ги пронајде веќе направените студии во однос на ова. Барајќи клучни зборови како „вибратор“ или „секс играчка“, тие пронајдоа вкупно 558 студии, но само 21 од нив ги исполнуваа критериумите.

Овие студии покажуваат дека постојат неколку придобивки од редовната упитреба на вибратор. Меѓу другото, го подобрува целокупното здравје на карличните мускули, ја намалува болката во надворешните гениталии и доведува до подобрување на општото сексуално здравје. Се смета дека вибраторите ја намалуваат уринарната инконтиненција и зајакнување на карличните мускули. Студиите исто така покажуваат дека употребата на вибратор го намалува времето кое и е потребно на жената да дојде до оргазам – и дека помага да се достигнат повеќе оргазми.

Александра Дубинскаја не е изненадена од резултатите. Таа вели: „Јас верувам дека постојат многу повеќе придобивки од употребата на вибратори за кои сеуште не знаеме“.

Но, важно е да се нагласи дека моментално е објавен само извадок, посочува Трине Јакоби Нотруп. „Гледам дека пронашле многу студии, но не можам да ги видам студиите на кои истражувачите ја базираат својата анализа“, вели таа и додава: „Се уште не сум убедена дека има доволно факти за да се препише вибратор.”

Меѓу другото, не е јасно како и колку често пациентите во студиите користеле вибратори или дилдо, колку е добар квалитетот на студиите на кои се базираат анализите и колку критички истражувачите пристапиле.

„Според мене, сеуште има многу непотврдени факти“, вели Трине Јакоби Нотруп. „Но, многу е важно луѓето да го сфатат ова сериозно и да сфатат дека она што општата популација го нарекува секс играчка, за нас е сексуално помагало што може да го подобри сексуалното искуство доколку се користи правилно и без притисок. “, додава таа.

Затоа, тоа е област на истражување што има потенцијал. Но, сеуште е потребно дополнително да се истражува, нагласува таа.

Александра Дубинскаја всушност се согласува со тоа. Таа самата посочува дека мора подлабоко да се истражи какво влијание имаат вибраторите врз сексуалното здравје на жените; и предностите и потенцијалните недостатоци. Затоа, истражувачите препорачуваат да се продолжи со истражувањето за тоа како влијае вибраторот врз сексуалното здравје.