Диск голф го освојува светот, а го нема во Македонија!? ↓↓↓
Партијата која своевремено беше најавена како трет пат, со Владо Бучковски, Љупчо Зиков и Минчо Јорданов сега се ребрендира и со нови кадри ќе се бори за своето место под политичкото небо во Македонија.
„Главниот одбор на Алијансата за позитивна Македонија, на седницата одржана во Ресен на 8 декември 2017 ја потврди посветеноста на партиското раководство да дава позитивен конструктивен придонес на политиките на Владата на Република Македонија кон брзото враќање на патот кон НАТО и ЕУ интеграциите, преточена во владината програма наречена „3-6-9“.
Партијата донесе одлука да се преименува во „Партија за општествен и економски напредок“ или скратено „ПОЕН“, како и да започне процедура за пристапување кон Европската слободна алијанса (ЕФА) како придружна членка. Новото име на Партијата ќе се користи откако ќе се запише во судскиот регистар.
На седницата на Главниот одбор за нов претседател на Главниот одбор е избран Димитар Илиевски, како и се направи мала реконструкција на Извршниот одбор на Партијата“ известуваат од партијата.
Со тоа раководство на Партијата го сочинуваат:
1. Проф. д-р Рубин Земон, претседател на Партијата
2. Димитар Илиевски, претседател на Главниот одбор
3. Антонио Секуловски, в.д. секретар на Партијата
4. Никола Шалваринов, член на Извршен одбор (ИО) и секретар за меѓународна соработка
5. М-р. Ирена Оровчанец, член на ИО
6. М-р. Симона Јосифовска, член на ИО
7. Мирослав Анастасов, член на ИО
8. Ѓорѓи Ивановски, член на ИО
9. М-р. Дијана Марковиќ, член на ИО
10. Благоја Костовски, член на ИО
11. Џевдет Халими, член на ИО
12. Медо Балиќ, член на ИО
