Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Технолошкиот гигант Епл започна со производство на Ајфон 13 во Индија, соопшти компанијата во понеделникот. Овој потег на Епл е обид да ја намали зависноста од својот кинески синџир на снабдување. Телефонот се произведува во локална фабрика на тајванскиот договорен производител на Епл, Фокскон, сместена во градот Сриперумбудур во јужниот дел на државата Тамил Наду, според извор на Ројтерс.
Епл префрла некои области на производство на Ајфон од Кина на други пазари, вклучително и Индија, вториот по големина пазар на паметни телефони во светот, а, таму, исто така, планира да склопува таблети Ајпад.
Индија и земјите како Мексико и Виетнам стануваат сè поважни за договорните производители кои снабдуваат американски брендови додека се обидуваат да го диверзифицираат производството подалеку од Кина. Ајфон 13 е четвртиот модел што се произведува локално, откако Епл ги започна производствените операции во Индија во 2017 година со Ајфон СЕ.
