Александар Вучковски - сомелиер: Како македонските вина го освојуваат светот? ↓↓↓
Има многу билни апчиња, смешни мемиња и дискусии на тема несоница, бидејќи таа зафаќа голем дел од населението.
На крајот на краиштата, кое е најдоброто време да размислите за тоа што ви рекол пријателот во текот на денот, што ве растажи, за вашите финансиски обврски и за тој состанок на работа? Се разбира, пред спиење.
За почеток, несоницата е нарушување на спиењето и обично е придружена со дневна поспаност, слаба енергија, раздразливост и депресивно расположение.
Фокусирањето на работи кои предизвикуваат стрес може да го зголеми кортизолот (хормонот на стрес) или крвниот притисок. Во основа, кога лежите и размислувате за стресни мисли, го ставате вашето тело на штрек и невозможно е да се смирите. Сепак, постојат начини да ви помогнат да се справите со тоа.
Анализирај (на хартија)
Ако сте под стрес за работите што треба да ги направите следниот ден, запишете ги во тетратка. На овој начин ќе ги „извадите“ концептите од глава и ќе можете подобро да спиете. Освен ако не го планирате и организирате распоредот, ќе се напрегате за работи кои можеби сте ги заборавиле. Дополнително, запишувањето и размислувањето за она што сте го напишале може да ве натера да сфатите дека сè што ве загрижува не е толку „страшно“ или невозможно.
Размислете за позитивни работи
Запишете или запомнете ги работите што ги имате и за кои сте благодарни. На пример, вашето здравје, вашата работа, вашето семејство, вашиот партнер или сетете се на некои ваши мали достигнувања или некој комплимент што сте го добиле во текот на денот. На овој начин негативните мисли ќе бидат заменети со позитивни, полесно ќе се опуштите и подобро ќе се справувате со несоницата. Исто така, оние кои се чувствуваат благодарни за она што го имаат имаат поквалитетен сон.
„Вработете“ ги вашите мисли
Најдете нешто што ќе ви го одвлече вниманието од она што можеби ве стресува: можете да броите наназад од 100 до 0, на пример. Друга опција е да направите „проверка“ на вашето тело. Обрнете внимание на сензации (како затегнатост, печење, можеби студенило) во секој дел од телото, почнувајќи од петиците и движејќи се нагоре. Друг пристап е да размислувате за случајни, неповрзани зборови (како мачка, топче за голф итн.) додека не заспиете. Можеби звучат како „чудни“ тактики, но функционираат.
