Диск голф го освојува светот, а го нема во Македонија!? ↓↓↓
Б12 е еден од највредните витамини за нашето физичко и ментално здравје.
Тоа е есенцијален витамин кој му е потребен на нашето тело, но не може да го произведе. Б12 се наоѓа во производите од животинско потекло, но исто така се додава во некои намирници и е достапен како орален додаток или како инекција.
Недостатокот на витамин Б12, или поради тоа што не внесувате доволно или затоа што телото не го апсорбира добро, може да предизвика симптоми како што се замор, отежнато одење, слабост и конфузија. Но, кои би можеле да бидат причините за овој недостаток?
Вегетаријанска или веганска исхрана
Усвојувањето на вегетаријанска или веганска исхрана нуди многу здравствени придобивки, но одржувањето на здрави нивоа на витамин Б12 во телото не е една од нив. Важна причина за тоа е што нашето тело не може да произведе витамин Б12, па затоа мораме да го внесуваме преку храна. Експертите истакнуваат дека овој витамин го има речиси исклучиво во производите од животинско потекло, па затоа исхраната на база на растенија може да биде една од причините за недостаток на Б12.
Проблеми со дебелото црево
Луѓето кои страдаат од Кронова болест или целијачна болест, исто така, може да доживеат дефицит на Б12. Во нормални услови, витаминот Б12 се апсорбира од цревата, како и повеќето други хранливи материи. Состојбите кои предизвикуваат воспаление и оштетување на тенкото црево, како што се Кронова болест и целијачна болест, може да ја нарушат нашата способност да го апсорбираме овој важен витамин.
Дијабетес
Поврзана научна студија за дијабетес и метаболички нарушувања покажа дека пациентите со дијабетес тип 1 и тип 2 имаат висок ризик од недостаток на витамин Б12. Метформин, вообичаен третман за дијабетес тип 2, е еден лек на рецепт кој ја попречува апсорпцијата на Б12.
Апчиња за контрацепција, исто така, може да доведат до недостаток на витамин Б12
Во една студија објавена во списанието Nutrients, тим од научници истражуваше дали оралните контрацептиви се една од причините за недостаток на витамин Б12 кај жените. Тие заклучија дека, да, хормонската контрацепција предизвикува намалување на нивото на Б12.
Автоимуни нарушувања
Кога имунолошкиот систем „се распаѓа“ и почнува да напаѓа здрави телесни ткива, зборуваме за автоимуна состојба. Хроничната уртикарија, состојба на кожата која се карактеризира со повторливи исипи со чешање, исто така може да биде поттик за недостаток на витамин Б12, заедно со тироидитис, воспаление на тироидната жлезда што може да доведе до хипотироидизам.
Стресот може да доведе и до недостаток на витамин Б12
Дали постои ситуација кога стресот не ги влошува работите? Стресот го зголемува производството на киселина во желудникот, што може да ги наведе пациентите до прекумерна употреба на антацидни лекови, што исто така може да доведе до недостаток на витамин Б12.
