Диск голф го освојува светот, а го нема во Македонија!? ↓↓↓
Фудбалската икона Пеле, кој синоќа почина на 82-годишна возраст, во дресот на Сантос постигна повеќе од 1.000 голови. Но, еден негов погодок посебно се изделува со убавината на начинот на кој е постигнат, а и Пеле за тој гол велеше дека му е најубав во кариерата.
На 2 август 1959 година, играа Сантос и Јувентус од Сао Пауло, а сите 10.000 луѓе кои беа на трибините на стадионот „Руа Жавари“, всушност присуствуваа на историја.
Во 42-рата минута, Пеле даде гол за водство на Сантос од 4-0 и тој погодок важи за најатрактивниот во неговата богата фудбалска кариера. После постигнувањето на овој погодок дури и противничките играчи на Јувентус му честитале.
За жал, не постои телевизиска снимка од голот, но за потребите на документарецот „Вечниот Пеле“, кој излезе во 2004 година, беше направена компјутерска симулација.
