Диск голф го освојува светот, а го нема во Македонија!? ↓↓↓
Германските полициски служби сè уште трагаат по 42-годишната Мирнеса С., која е осомничена дека украла повеќе од еден милион евра од компанија за транспорт на пари во Штутгарт.
Осомничената е родена во Бусовача, каде што живеела извесно време, а нејзините родители наводно се откажале од неа. Порталот Црна-хроника.инфо дознава дека моминското презиме на Мирнеса било Бешлиќ.
Откако беше откриено родното место на 42-годишната жена, новинарите на германски Билд дури ја посетија Бусовача и разговараа со соседите.
– Ја видов кога одеше, беше навистина впечатлива. Едно време рече дека работи како управител на експозитура – вели еден сосед.
Според пишувањето на Билд, Мирнеса може да биде осудена на десет години затвор поради сторената кражба.
На фотографиите објавени на Инстаграм на кои се гледаат скапи чанти, накит, часовници Ролекс и големи забави со пријателите, докажуваат дека Мирнеса живеела луксузен живот.
– Да, ова е крајно необичен начин на живот за жена која наводно работела како телефонски оператор во компанија за транспорт на пари – пишува Билд.
Германските полицајци ги проверувале сите нејзини профили на социјалните мрежи за да ѝ трагаат, но досега не успеале да ја лоцираат.
Осомничената жена е позната и по прекарот Мики, а наводно работела како келнерка во Штутгарт. Откриен е и Инстаграм профилот на Мирнеса С., а на него објавила фотографии на кои се гледа како се забавува облечена во скапа облека, пишува Феникс.
Полицијата ја сомничи Мирнеса дека украла повеќе од еден милион евра од компанијата за транспорт на пари во Штутгарт каде што била вработена на 14 октомври годинава. Тие објавија дека на 14 октомври околу 15 часот и 10 минути од просториите на фирмата жена украла повеќе од еден милион евра. Мирнеса имала пристап до парите бидејќи била вработена во фирмата.
Кражбата била забележана истиот ден, а полицијата започнала истрага. Во својата изјава не објаснија како вработената извадила толку голема сума пари. За 42-годишната Мирнеса е објавена парична награда во износ од 37.500 евра. Осомничената жена е висока 174 сантиметри, со сино-зелени очи и руса коса.
42-годишната девојка е препознатлива и по тоа што има неколку тетоважи на телото.
– Наградата е 37.500 евра и е приватно осигурена. Секој кој знае нешто за 42-годишната осомничена се замолува да ја контактира полицијата – соопшти полицијата во Штутгарт.
