Моабет со Борче Стаменов, креаторот на "Донирај компјутер" ↓↓↓
Градоначалникот на Киев и поранешен светски шампион во бокс, Виталиј Кличко (51) се разведува од сопругата Наталија, по 25 години брак.
„Одлуката за развод беше взаемна“ – изјави градоначалникот на Киев за украинските медиуми.
Тој додаде дека тој и неговата сопруга со години живеат во различни земји, но и понатаму се во добри односи.
„Долги години имаме различни интереси и различни животи. Решивме да го потврдиме и официјално. Тоа беше заедничка желба. Сè уште имаме добри односи, се почитуваме, децата се пораснати, а животот продолжува“ – изјави Кличко.
Виталиј и Наталија Кличко се венчаа во април 1997 година и добија три деца, синовите Јегор-Данијела и Максим и ќерката Елизабета-Викторија.
Додека тој се занимаваше со бокс, Наталија беше со Виталиј на секој меч. Таа го поддржа и во 2014 година, кога се кандидираше за градоначалник на Киев.
Наталија се испроба како пејачка и текстописец. Таа се занимава и со хуманитарна работа, а имајќи предвид дека парот долго време живеел во Германија, од 2010 година е вклучена во работата на Советодавниот одбор на германската хуманитарна фондација Phytokids.