Диск голф го освојува светот, а го нема во Македонија!? ↓↓↓
Во утринските часови од вчерашниот ден, во водите на Дунав во Белград е пронајдено тело на помлад маж.
Мажот носел фармерки, маица со слика и една бела патика. Телото било пронајдено во фаза на распаѓање, а морнарите го пронашле утрото околу 9 часот и 30 минути.
Резултатите од обдукцијата ќе бидат познати денеска. Се претпоставува дека се работи за Матеј Периш.
„Ја чекавме веста, ја чекавме вистината и таа вистина испадна таква каква што е, болна, ништо, тешка“, изјави Ненад Периш за ХРТ откако српското МВР го известило дека телото на маж чија облека одговара на описот е пронајдено во Дунав, облеката што ја носел неговиот син Матеј, кој исчезна во Белград на 30 декември 2021 година.
Репортерот на телевизијата N1 рече дека резултатите од обдукцијата би можеле да бидат објавени подоцна во вечерните часови.
„Како што кажав, морам да бидам подготвен за сето ова. Можеби некому му е чудно, но колку и да е болно и тешко, а верувајте дека е страшно тешко, мора да се има надеж. Мојата вера ме учи дека надежта секогаш постои.
Иако се случи разделбата, надежта дека повторно ќе се сретнеме никогаш нема да престане да биде таму“, рече Ненад Периш и им се заблагодари на сите што помогнаа да се открие вистината.
Во интервју за RTL, тој додаде: „Матеј ја заврши својата приказна на оваа земја“.
