Александар Вучковски - сомелиер: Како македонските вина го освојуваат светот? ↓↓↓
Хејли Бибер, сопругата на славниот пејач Џастин Бибер, се подложила на операција на срцето откако минатиот месец доживеа мал мозочен удар.
Таа откри дека неодамна била подложена на процедура за поставување PFO оклудер, процедура која ги затвора патолошките отвори во срцето кои доведуваат до мозочни удари кај младите луѓе и обично се изведува кај луѓе кои веќе имале мозочен удар без претходно видливи причини.
„Тоа помина многу лесно. Закрепнувам многу добро, многу брзо“, рече Хејли во видеото на Јутјуб со наслов I’m Telling My Story, а за помалку од 24 часа од неговото објавување, повеќе од 1,6 милиони луѓе го погледнале.
Откако итно беше пренесена во болница во Палм Спрингс минатиот месец со симптоми слични на мозочен удар, Хејли откри дека има згрутчување на крвта што патувало до нејзиниот мозок и предизвикало минлив исхемичен напад. Сепак, лекарите не можеле да сфатат како згрутчувањето на крвта завршило таму.
„Кога отидов во UCLA, правевме подлабоко тестирање и ми најдоа PFO“, објасни таа во видеото, опишувајќи го PFO како „прекинувач помеѓу десната и левата комора на срцето“.
Обично треба да се затворат сами при раѓањето, но моето не се затворило. Откриле дека имам „пет“, што е највисока оценка што можете да ја имате. Мојата беше прилично голема. Она што обично се случува е дека срцето ќе ја филтрира крвта со згрутчување во белите дробови, а белите дробови ќе го апсорбираат бидејќи се многу големи и можат да се справат со него“, додаде Хејли.
Во нејзиниот случај, згрутчување на крвта избегало низ дупката во нејзиното срце и отишло до нејзиниот мозок и таа доживеала мал мозочен удар, а Хејли рече дека е „благодарна што го нашле“.
„Навистина ми олесна што можев да поминам низ оваа навистина страшна ситуација и да продолжам да го живеам мојот живот“, рече таа.
