Диск голф го освојува светот, а го нема во Македонија!? ↓↓↓
Иако Чешка важеше за фаворит, македонската репрезентација одиграв многу подобро, но, за жал, од Злин се враќаме со реми 24:24, поради лошата завршница на натпреварот.
Од самиот почеток момците на Лазаров ја најавија победата. Отворивме со 0:2, а набрзо имавме и 1:5. Чешка во ниту еден момент до крајот на полувремето не успеа да го изедначи резултатот најмногу што направија е што се доближија на -3. Предност од три гола имаше Македонија и на паузата на која заминавме со 10:13.
Не попуштивме ниту на стартот од вториот дел напротив со серија од 0:4 дојдовме до највисоките на натпреварот„плус 7“ (10:17). Одличниот Митревски на голот не дозволуваше да ни се доближи Чешка, па така и кога ќе погрешевме во нападот тој беше тука да застане на патот на противничките ракометари.
Во последните десет минути Чешка дојде до „минус 4“ (18:22). Во тие десет минути Чешка ја консолидираше својата игра и нашата разлика почна да се намалува. Таквата игра Чешка ја доведе на само „минус еден“ во псоледните три минути (23:24). На крајот Чесиите се изборија и за реми од 24:24. Секако дека гостинско реми не е лош резултат, меѓутоа денес можевме повеќе.
Најефикасни во нашите редови беа Талески (5), Лазаров (4) и Георгиевски (4), додека кај Чешка Јакуб Хрстка и Матеј Клима постигнаа по пет гола. Митревски собра 11 интервенции на нашиот гол, а Мрква кај Чесите 15.
Реваншот во Скопје го играме во недела во 19:00 часот во СЦ „Борис Трајковски“ и ако успееме да славиме со било каков резултат ќе се избориме за нов настап на едно Светско првенство.
