Александар Вучковски - сомелиер: Како македонските вина го освојуваат светот? ↓↓↓
Занзиман Ели го споредуваат со фиктивниот лиг Могли од „Книга за џунглата“ поради деновите што ги поминал талкајќи низ џунглата во Руанда, каде што живеел со својата мајка.
Ели има микроцефалија, состојба во која бебето се раѓа со многу помала глава од очекуваното, а неговиот живот во џунглата му помогнал да ги избегне насилниците кои го таргетирале поради неговиот изглед, и заедницата која му го свртела грбот.
Минатата година на Afrimax TV беше објавен документарен филм за животната судбина на ова денес 22-годишно момче и беше формирана страница на „GoFundMe“ за да им помогне на Ели и неговата мајка да изградат подобар живот. Донациите дојдоа од целиот свет, а парите беа искористени за финансирање на образованието на Ели, кое претходно му беше забрането поради неговиот ментален капацитет.
Ученикот сега е запишан во училиште за деца со посебни потреби во Гисенји, Руанда, и има добро скроено одело за кое се вели дека редовно го носи на часови.
Мајката на Ели изјави дека „Бог е чудотворец“, откако нивните животи се трансформираа.
Таа коментираше: „Го исмејуваа и јас често трчав по него. Во моментов тој е на училиште со своите врсници и јас сум многу среќна. Син ми има убав живот, хумани луѓе ми изградија куќа… не сум повеќе тажна“.
Се вели дека Ели станала нешто како локална славна личност по објавувањето на документарецот, а луѓето го запирале на улица за да се фотографираат со него.
