Александар Вучковски - сомелиер: Како македонските вина го освојуваат светот? ↓↓↓
Долготрајноста на физичката подготвеност, кондиција, сила, енергија и свежина на Роналдо делумно се препишува на неговата дисциплина во исхраната, факт кој е добро познат.
Тоа го потврдува и резервниот голман на Манчестер Јунајтед, Ли Грант. Тој открива дека уште на самиот негов кам бек, ги импресионирал соиграчите во Манчестер Јунајтед со строгиот режим на исхрана кој го води и на 36 години.
Грант вели дека обично во петок, ниту еден играч не може да одолее на десертите кои се нудат, со исклучок на еден човек, а тоа е Кристијано Роналдо.
„За да ви биде појасно, кога во петок завршуваме со вечера, на менито имаме благи работи кои мамат. На пример колач со јаболко и крем или чоколадна торта. Само еден играч во тимот успева да не го допре десертот.
Еден од соиграчите еднаш ме праша, што има Кристијано во чинијата? Таа беше најчистата и најздравата чинија што може да ја замислите, со авокадо, киноа и варени јајца. Човекот е во неверојатна форма“, сведочи Грант.
Исхраната на Роналдо најчесто содржи свежо овошје, салати, јаткасти плодови, интегрални житарки, риба, јогурт, пилешко…
