Александар Вучковски - сомелиер: Како македонските вина го освојуваат светот? ↓↓↓
Пред четири години Шејн Голдсби, по потекло од американската држава Вашингтон, украл полициско возило и завршил во затвор. Во затворот го сместиле во иста ќелија со педофилот Роберт Мунгер кој ја силувал неговата малолетна сестра.
Голдсби го убил Мунгер и добил дополнителни 25 години затвор. „Го претепал до смрт“, пишува New York Post. Според судските записи, 26-годишниот Голдсби го нападнал 70-годишниот Мунгер одзади во дневната соба за затвореници и го удрил 14 пати, по што го удрил уште четири пати во главата.
Мунгер отслужувал 43-годишна затворска казна за педофилија и силување деца. Голдсби изјавил дека полудел откако Мунгер почнал да го исмева и кажувал детали за тоа како ја силувал неговата сестра.
„Ми се случуваше толку многу во главата. Не бев сам. Не престана да зборува за тоа што и правел на сестра ми и за фотографиите и видеата што постојат за тоа и мене почна да ми зоврива “, рекол Голдсби. Тој конечно му се извинил со писмо на семејството Мунгер.
„Не можам да замислам како е да се изгуби сакана личност на овој начин. Сакам да се извинам на неговата сопруга и на целото семејство и се надевам дека ќе можат да ги залечат раните што им ги нанесов”, напишал Голдсби.
