Моабет со Борче Стаменов, креаторот на "Донирај компјутер" ↓↓↓
Американската служба за риби и диви животни отворила истрага за малтретирање на примерок од загрозен вид на морска крава пронајдена во Флорида со натпис „Трамп“ на грбот, потврдија од службата.
Северноамериканска манага е загрозен вид во САД, а еден примерок со натпис е пронајден во неделата на изворот на реката Хомосаса на западниот брег на Флорида, околу 160 милји западно од Орландо.
Локалните медиуми објавија видео од подводниот цицач со „TRUMP“ напишан со големи букви, истакнувајќи дека не е јасно како се напишани буквите, исто како што не е јасно дали тоа е поздрав за претседателот Доналд Трамп, жител на Флорида.
Портпарол на Службата за риби и диви животни изјави дека се чини дека животното не е сериозно повредено, но Центарот за биодиверзитет со седиште во Тусон, Аризона, понуди награда од 5000 долари за информации за сторителот.
Морските крави се заштитени во Соединетите држави со Законот за загрозени видови и Законот за заштита на морските цицачи, а нивното малтретирање се казнува со парична казна до 50 000 американски долари или затвор до една година.
На овој вид му се заканува истребување поради судири со бродови, губење на живеалиштата, цветање на алгите и болести. Денес на Флорида останале само 6.300 единки , за разлика од 11.267 пред 30 години.