Александар Вучковски - сомелиер: Како македонските вина го освојуваат светот? ↓↓↓
Како последица на пандемијата од коронавирусот која го потресе светот и светските економии, американскиот гигант од забавната индустрија „Дизни“ само од април до јуни претрпе загуба од 4,7 милијарди долари. Сега следува отпуштање на многу вработени.
Бидејќи бизнисот со забавни паркови, летувалишта, забавни артикли и крстарења сè уште страда од пандемија, компанијата ќе мора да отпушти околу 28,000 вработени во САД, објави империјата за забава Волт Дизни.
Одлуката беше неопходна поради „тековните ефекти на КОВИД-19 врз нашиот бизнис“, соопшти компанијата. Покрај тоа, постои и „неизвесност за времетраењето на пандемијата“. Од вработените погодени од укинувањето на работни места, околу две третини работат со скратено работно време.
Во дописдо вработените, менаџерот Џош Д’Амаро ја опиша одлуката како „срцепарателна“, но со оглед на тешките околности предизвикани од корона-кризата, немало друга алтернатива.
Многу вработени се на одмор од април и продолжуваат да добиваат придонеси за здравствено осигурување. Со оглед на неизвесните деловни изгледи, бројот на вработени сега мора трајно да се намали.
Иако повеќето атракции на Дизни сега барем делумно се повторно отворени, два од најголемите тематски паркови во Анахајм, Калифорнија сè уште немаат дозвола за работа. Менаџерот на Дизни, Д’Амаро се пожали дека „неподготвеноста“ на властите ја влошува ситуацијата.
Проблемите условени од корона-кризата веќе го донесоа Дизни во длабоки загуби. За трите први месеци од кризата, од април до крајот на јуни заагубата изнесувашед 4,7 милијарди долари (околу 4 милијарди евра), како што објави концернот во август. Приходите паднаа за 42 проценти во споредба со минатата година, на износ од 11,8 милијарди долари. Посебно страдаше бизносот со забавни паркови, одморалишта и крстарења. Прометот тука се намали за 85 проценти.
