Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Партијата на Маорите во Нов Зеланд бара од самата држава да го промени името со цел да се оддаде почит на нејзината оригинална, автентична култура. Предлогот им е Аотеароа.
Аотеароа на нивниот те рео јазик значи „земјата на белиот облак“ и Маорите сметаат дека со тоа име, земјата подобро ќе ја рефлектира домородната култура.
Со 16,5 проценти, Маорите се најбројното малцинство во земјата а заедно со англискиот јазик, нивниот е официјален јазик на Нов Зеланд.
Маорите со години тврдат дека поради доминантноста на англискиот јазик, маорскиот денес го зборуваат само 3,5% од луѓето.
Премиерката Јасинда Ардерн не се спротивстави директно на предлогот но нејзините политички ривали го сметаат за предизборно бркање поени и се убедени дека секакво реименување ќе доведе до конфузија и економски штети.
Името Нов Зеланд потекнува од холандската колонијална ера, кога земјата доби име по холандската провинција Зееланд.
