Диск голф го освојува светот, а го нема во Македонија!? ↓↓↓
Непознато лице кое утрово го чекало министерот за здравство Венко Филипче пред ресорното министерство предизвика збрка во јавноста, откако беше пренесено во некои медиуми дека Филипче бил нападнат. Во ситуацијата интервенирала и полицијата. Филипче вели дека разговарал со човекот кој имал здравствен
Вознемирен маж кој утрово го чекал Филипче пред зградата на министерството за здравство предизвика реакција на полицијата. Обезбедувањето на министерството повикало полиција која подоцна го лоцирала мажот во околината на Медицинскиот факултет. Филипче за ДВ вели дека побарал да разговара со мажот и од разговорот дознал дека тој имал проблем со прием во болница на испитување.
„Разговарав со човекот кој имал проблем затоа што не можел да заврши некои испитувања во болница. Го испратив кај колегите на Клиника“, вели Филипче.
Во полициската белешка од настанот се наведува дека лицето А.А. не било вооружено. Човекот седел на скалите на министерството во очекување на доаѓањето на министерот, а откако од обезбедувањето го забележале, тој избегал во правец на Медицинскиот факултет.
На 1 јуни 2017 година беше извршен вооружен напад врз тогашниот министер за здравство Никола Тодоров, токму на скалите на министерството. Тодоров тогаш успеа да се извлече неповреден од нападот кој го изврши дедото на починатата Тамара- девојче чие лекување предизвика многу контроверзи во јавноста.
