Диск голф го освојува светот, а го нема во Македонија!? ↓↓↓
Аргентинскиот стратег Маурисио Покетино е без тренерски ангажман од пред неколку месеци кога доби отказ во Тотенхем.
Лондонскиот клуб катастрофално ја започна новата сезона, а „сметката“ за тоа ја плати Покетино, на кого му беше врачен отказ.
Меѓутоа, Аргентинецот нема долго време да биде без работа бидејќи за неговиот потпис интерес покажуваат неколку европски гиганти.
Последните информации од Островот говорат дека Манчестер Јунајтед стапил во контакт со Покетино и сака да го ангажира како наследник на Оле Гунер Солскјер.
Двете страни се блиску до договор и од лето Покетино ќе седне на кормилото на „Олд Трафорд“. Аргентинскиот стратег барал целосна слобода на трансфер пазарот, а „црвените ѓаволи“ се спремни да му ја исполнат таа желба.
Без разлика на исходот на сезоната Солскјер ќе биде сменет на лето, бидејќи раководството не е задоволно од неговата работа и смета дека Покетино може да биде долгорочно решение за клупата.
Mauricio Pochettino begins talks with Man Utd about replacing Ole Gunnar Solskjaer in the summer, demanding he has a say in transfers with no interference from above. [Express] #MUFC
— The United Stand News (@NewsUnitedStand) January 21, 2020
