Диск голф го освојува светот, а го нема во Македонија!? ↓↓↓
Во рацијата која денес ја изврши тетовската полиција за откривање на нелегалната продажба на петарди и пиротехника вчера беа запленети над 1.300 петарди и други пиротехнички средства.
„На улиците „Маршал Тито” и „Илинденска” во Тетово, полициски службеници на СВР Тетово пронашле и од Ф.А(32) од тетовско Ларце одзеле 200 петарди. Од 54-годишниот тетовец Н.А. одзеле 600 огномети. Околу 12 часот на импровизирана тезга во близина на тетовскиот Зелен пазар пронајдени и одземени се околу 500 парчиња разновидни пиротехнички средства, најмногу петарди. По целосното документирање на случајот против нив ќе следуваат поднесоци“, соопштија денеска од СВР Тетово.
На 20 декември беше откриено лице со над 1.000 парчиња петарди и пиротехника како ги продава околу зелен пазар. Иако постојано полицијата апелира на воздржување од продажба и употреба, во Тетово и понатаму не престануваат овие активности на граѓаните. Продавањето и активирањето на пиротехничките предмети и материјали се казнуваат со глоби, а продажбата сакционирана и со Кривичниот законик. Паричните казни се движат од 200 до 500 евра.
