Диск голф го освојува светот, а го нема во Македонија!? ↓↓↓
Македонскиот премиер Зоран Заев денеска и утре ќе престојува во работна посета на институциите на Европската Унија во Брисел, каде ќе оствари средби со Јоханес Хан, Доналд Туск и Давид Марија Сасоли, соопшти владината прес-служба.
Премиерот Заев, заедно со вицепремиерот задолжен за европски прашања Бујар Османи и со министерот за надворешни работи Никола Димитров, попладне ќе остварат средба со еврокомесарот за проширување и соседска политика Јоханес Хан.
Делегацијата на Владата на Република Северна Македонија, предводена од премиерот Заев потоа ќе има средба со претседателот на Европскиот парламент, Давид Марија Сасоли и со претседателот на Европскиот совет, Доналд Туск.
Во текот на утрешниот ден, премиерот Заев ќе оствари средба со потпретседателот на Европската Комисија, Франс Тимерманс.
