Диск голф го освојува светот, а го нема во Македонија!? ↓↓↓
Дарио Ивановски и Адријана Поп Арсова поставија нови државни рекорди во уличните трки на 10 километри.
Ивановски на „Скопје Ран 10К“ што се одржа претпладнево оствари време од 31:07 минути, а второто и третото место во машка конкуренција ги освоија Милош Ранчиќ (33:44 минути) и Атанас Анчевски (33:49 минути).
Во женска конкуренција прва беше Теодора Симовиќ од Србија (34:59), втора Андријана Поп Арсова (37:02) и трета Билјана Кираџиева (37:59).
Околу 2.000 тркачи учествуваа на трката по булевар Илинден во Скопје. Во рамки на трката беше и хуманитарна акција за донации насловена #ЗасадиВоздух со која од продадените маици се одделуваат средства за садници кои тимот на Скопје трча 10 км и Град Скопје ќе ги засадат на погодна локација.
Фото: Макфакс
