Диск голф го освојува светот, а го нема во Македонија!? ↓↓↓
Видеото кое на социјалните мрежи го сподели полицијата од Лос Анџелес, на кое тие снимија една бездомничка како со ангелски глас пее во метрото, стана вирален хит на интернет, а за жената се заинтересираа и медиумите.
Се започна кога полицијата објави на Твитер клип од жена со вреќи во рацете додека пее во метрото.
4 million people call LA home. 4 million stories. 4 million voices…sometimes you just have to stop and listen to one, to hear something beautiful. pic.twitter.com/VzlmA0c6jX
— LAPD HQ (@LAPDHQ) September 27, 2019
„Четири милиони луѓе го нарекуваат Лос Анџелес дом. Четири милиони приказни. Четири милиони гласови…Понекогаш мора да замолчите и да слушнете еден глас за да чуете нешто прекрасно”, напишаа полицајците со снимката.
Потоа, беше откриено дека жената се викала Емили Замурка и има 52 години. Родена е во Русија и научила да свири виолина и пијано во музичко училиште. Таа пристигнала во САД на 24-годишна возраст и првично држела часови по виолина. Наскоро, здравствените проблеми и огромните сметки во болницата ја погодиле и таа заработува за живот свирејќи на улица. Откако и била украдена виолината вредна 10,000 американски долари, била исфрлена од станот на улица.
„Спиев каде и да можев. Улиците беа безбедни. Бог ме заштитуваше“, изјави таа за медиумите.
Среќна е што полицијата ја снимила затоа што слушнала многу прекрасни коментари за нејзиниот глас. Но, коментарите не се единственото нешто што таа го доби. Започнати се неколку хуманитарни акции за помош.
