Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Денес, понеделник, 23 септември, на распит во Јавното обвинителство за организиран криминал и корупција повторно треба да биде спроведен првоосомничениот за случајот „Рекет” Бојан Јовановски – Боки 13, кој се наоѓа во притвор во КПУ Затвор Скопје.
Ова е втор исказ на Јовановски за случајот „Рекет“. Боки 13 на 15 јули годинава беше приведен на распит во Обвинителството за гонење на организиран криминал и корупција заедно со второосмоничениот Зоран Милевски-Кичеец.
По неколкучасовниот распит Јовановски беше изведен пред суд, каде на барање на Јавното обвинителството му беше одредена мерка притвор.
Во изминатиот период во врска со овој случај во обвинителството сведочеа бизнисменот Силјан Мицевски, водителката Лила Филиповска и пратениците Фросина Ременски и Александар Кирацовски, како и претседателката на Собранието на Меѓународниот сојуз Агапи Дика и бизнисменот Зоран Азманов.
Поранешната шефица на СЈО Катица Јанева, која исто така, се наоѓа во притвор и како третоосомничена исказ ќе дава во вторник.
Во случајот „Рекет“ што го отвори Обвинителството за организиран криминал и корупција осомничени се Бојан Јовановски и Зоран Милевски-Кичеец, како и специјалната јавна обвинителка Катица Јанева. Сите тројца се во притвор
