Александар Вучковски - сомелиер: Како македонските вина го освојуваат светот? ↓↓↓
Викендот кој веќе започна е вистински празник за сите љубители на фудбалот, денес не очекува едно супер дерби, додека утре ќе ги има и повеќе, пишува Спортски.мк.
Денес од 20:45 гигантите од Милано, Милан и Интер ќе ги одмерат силите и тоа практично ќе биде најава за супер неделата која следи утре. Утре се игра „вечното дерби“ во соседтвото, Челзи и Ливерпул играат во Премиер лигата…
МИЛАН – ИНТЕР (денес 20:45 часот)
Во каква и состојба да се двата или некој од овие два тима миланското дерби секогаш има посебен шмек. Во 295-тата или 224-та официјална нивна пресметка во историјата Интер ќе биде фаворит поради моменталната форма. Интер во Серија А има максимален учинок од три победи во првите три кола со гол разлика 7:1. Сепак во овој натпревар влегуваат со реми против Славија во ЛШ. Милан пак и оваа сезона не стартуваше баш најдобро, но успеа да собере шест бода во првите три кола. Верона минатото коло ја победија, меѓутоа добија голем број критики за играта.
ПСВ – АЈАКС (утре 16:45)
Овие два тима минатата сезона водеа трка за титулата до последното коло. Ќе биде за нив ова 168-ма пресметка. Ајакс има 72 победи, додека ПСВ има 15 помалку. Во овој момент имаат ист број на табелата и кој ќе победи ќе го превземе врвот на табелата.
ЧЕЛЗИ – ЛИВЕРПУЛ (утре 17.30 часот)
Освојувачите на Лигата на Европа и Лигата на шампионите од минатата сезона ќе се сретнат на „Стенфорд Бриџ“ и ова ќе биде прв посериозен испит за Ливерпул кој им супер старт (пет победи во пет натпревари). Во Суперкупот на Европа натпреварот заврши 2:2, а Ливерпул триумфираше после изведувањето на пенали. Ливерпул ја има улогата на фаворит, но интересно е што во последните 17 натпревари Челзи има седум победи, Ливерпул четири.
ПАРТИЗАН – ЦРВЕНА ЗВЕЗДА (утре 18 часот)
„Вечното дерби“ секогаш се следи со посебно внимание на Балканот. Оваа сезона и двата српски клуба настапуваат во Европа, Партизан во ЛЕ, Звезда во ЛШ и поради тоа навивачите очекуваат и поголем квалитет во нивната 161-ва пресметка. Атмосферата се загреа со минатонеделните судиски грешки во корист на Звезда, а навивачите на Партизан порачаа на фудбалерите ако нешто такво се случи во овој натпревар да го напуштат теренот.
ЛИОН – ПСЖ (утре 21:00 часот)
Ова дерби нема некоја голема традиција, меѓутоа од кога Арапите влегоа во клубот од Париз нивното гостување се гледа со посебни очи кај клубовите со поголема историја. Лион е тим кој беше шампион на Франција седум пати по ред, сега улогите се променети па ПСЖ е фаворит како во овој натпревар така и во сезоната. Но, мора да се истакне дека на последните две гостувања ПСЖ кај Лион губеше со по 1:2.
Уште два интересни натпревари ќе се играат и во Грција таму ќе се сретнат Панатинаикос – Олимпијакос (утре 19:30 часот) и ПАОК – АЕК (утре 17:30 часот).
