Александар Вучковски - сомелиер: Како македонските вина го освојуваат светот? ↓↓↓
Според најновите официјални статистички податоци, највисоките просечни плати во регионот се во Словенија и Хрватска, а најниски се во Македонија, Албанија и Србија.
Просечната нето плата во Словенија изнесува 1.108 евра и тоа е единствена плата во земјите во регионот која го надминува „магичниот износ“ од 1.000 евра. Просечната плата во Словенија е двојно повисока од просечната заработка во речиси сите земји од регионот на Балканот, освен Хрватска, уште една членка на ЕУ, каде просечната плата изнесува 873,9 евра.
По неа следи Црна Гора, каде според последните официјални податоци на Заводот за статистика на земјата, просечната плата во јули 2019 година изнесувала 511 евра, пренесува „Макфакс“.
Најниски просечни плати се во Македонија и Албанија, додека во Србија и Босна и Херцеговина се малку над нив. Во БиХ просечната плата е 469 евра, а во Србија 454,7 евра.
Последните достапни податоци од Инситутот за статистика на Албанија покажуваат дека просечната плата во оваа земја изнесува 423 евра. А најновите статистички податоци на Заводот за статистика на Македонија покажуваат дека просечната плата во земјата изнесува 409,8 евра.
