Александар Вучковски - сомелиер: Како македонските вина го освојуваат светот? ↓↓↓
Сања Лукаревска, дуректорката на Управата за јавни приходи, во интервју за Слободен Печат, откри едно свое лично приватно искуство во еден угостителски објект кога побарала фискална сметка од келнерката која ја услужила.
Лукаревска сведочи дека келнерка на услужен објект одбила да издаде фискална сметка, а тоа го направиладури откако првиот човек во управата за собирање даноци инсистирала на тоа.
Ова првиот човек на Управата за јавни приходи го потврдува одговарајќи на прашањето дали имала лично такво искуство да не и се даде сметка кога требало да ја плати услугата.
„Да, имам искуство со тоа. Во еден угостителски објект кога побарав сметка да платам, доаѓа личноста што не служеше и ми вели 480 денари. Потенцирав дека сакам да ми биде донесена сметката, дури одговорот на вработената беше „Ту ту да не ме тепаш!“.
И одговорив дека не станува збор за тоа, туку Законот важи така, дека треба да се донесе фискална сметка. На тоа вработената ми одговори – „Де де ете ќе ја искуцам и ќе ти ја донесам“. Малку ме изиритира таа реакција и повторно реагирав и на крајот ја добив фискалната сметка, вели Лукаревска во својот одговор.
Таа додава дека во неодамнешната акција на УЈП на фамозната Пластичарска улица, каде што јавна тајна е дека во дел функционира како „слободна зона“ кога станува збор за плаќањето даноци, објектите заклучувале кога виделе дека инспекторите упаѓаат во другите продавници.
