Живописните и енергичните ноќни фотографии на самоукиот фотограф и постпродуциски „магионичар“ на фотографијата, Џун Јамамото, на импресивен и уникатен начин ја пренесуваат енергијата, динамиката, пулсот и магијата на светлата од ноќните изданија на јапонските улици.
Типот моментално е стациониран во Токио и се фокусира главно на урбана и улична фотографија, на одличен начин доловувајќи го уличниот сензибилитет и атмосфера од јапонските урбани средини.
Со суптилен сензибилитет за динамична комбинација од ноќни урбани светла и живи објекти, било во толпа, или поединци, Јамамото префинето ја доловува комбинацијата од урбаната енергија на улиците од една метропола и издиференцираната субјективност на секој еден човек кој остава свој траг и белег со своето присуство на „асфалтната џунгла“.
