Александар Вучковски - сомелиер: Како македонските вина го освојуваат светот? ↓↓↓
Никако да се смират тензиите помеѓу Икарди и Интер. Состанокот помеѓу тренерот спалети и Аргентинецот заврши без успех, па денес клубот потврди дека директорот Марота ќе одржи состанок со напаѓачот и неговиот агент Ванда Нара.
Откако му се одзема капитенската лента, Мауро Икарди нема настап за „нероаѕурите“, а „Кориере дело Спорт“ тврди дека донел одлука да оди на операција, со што ќе го пропушти остатокот од сезоната.
Од клубот сметаат дека е здрав и само бара изговори, меѓутоа Икарди одбива да му се приклучи на тимот, и го известил клубот дека ќе донесе документи со кои ќе докаже дека е повреден.
Италијанските медиуми пренесуваат дека напаѓачот донел одлука да го оперира коленото доколку во наредните денови не постигне договор со клупското раководство.
„Кориере дело Спорт“ пренесува дека Икарди го условил Интер дека ќе се врати на терените само доколку му биде вратена капитенската лента или доколку клубот јавно ја соопшти одлуката зошто му била одземена истата.
L’Amministratore Delegato Sport dell’Inter Giuseppe Marotta ha incontrato nella giornata odierna @mauroicardi e Wanda Nara.
Si è trattato di un incontro cordiale volto alla ricerca di una soluzione nell’interesse di tutte le parti coinvolte #FCIM— Inter 🏆🇮🇹 (@Inter) March 6, 2019
Интер денес преку официјално соопштение потврди дека спортскиот директор Џузепе Марота имал состанок со Икарди и неговата сопруга и аген, Ванда Нара со обид да се реши ситуацијата.
Состанокот траел неколку часа, но се уште не е јасно каков е исходот. Во меѓувреме Икарди не е во тимот за утрешниот натпревар против Ајнтрахт во Лига Европа.
