Диск голф го освојува светот, а го нема во Македонија!? ↓↓↓
Откако македонскиот премиер се зафати со процесот за преименување на името на Македонија, притоа потпишувајќи договори со Грција и Бугарија, не стивнуваат изјавите на тамошните политичари кои се поигруваат со достоинството на македонскиот народ, негирајќи наше постоење.
Во само неколку дена, грчки и бугарски политичари даваат скандалозни изјави на кои македонските власти немаат никаква реакција. Прво поранешниот министер Коѕијас рече дека би му ги истегнал ушите на Заев, потоа бугарската министерка Захариева рече „дека ни биле испрани мозоците дека сме Македонци“, а последен во низата е бугарскиот вицепремиер Каракачанов кој се закани со вето ако зборуваме за македонски јазик.
Тој го советува премиерот на Македонија, Зоран Заев да не ја злоупотребува темата за македонскиот јазик, за да не се прости неговата земја со можноста за членство во ЕУ и НАТО, соопшти денеска прес-центарот на бугарското ВМРО-БНД.
Реакцијата доаѓа по повод изјавата на Зоран Заев пред парламентот на Македонија, во кое наведува дека Преспански договор со Грција признава постоење на македонски јазик и дека никој нема право да го оспори тоа.
Но, Каракачанов нагласува дека „преспанскиот“ не создавал „вештачки права“.
-Mакедонскиот јазик кој не е признаен од никого како официјален јазик, да се смета за легитимен на територијата на целата Северна Македонија, вели Каракачанов.
Како што пренесуваат бугарски медиуми, лидерот на ВМРО-БНД вели дека „ Заев утре може да да побара целосно идентичениот бугарски дијалект да биде изучуван како официјален странски јазик и кај нас, што е недозволиво и провокација“.
Каракачанов уште додава дека работата на бугарско-македонската комисија за историски прашања оди во насока која не е во корист на историската вистина, бидејќи македонските претставници во неа сакаат да „потврдат лажна историска верзија”.
-Македонските земји се бугарски и тоа е историски факт, вели Каракачанов и додава дека „нема да прифатам луѓе со нејасни ставови и со обратно читање на историјата да влезат во НАТО и ЕУ, на грбот и за сметка на Бугарија и на историската правда, уште помалку, кои тајно воведуваат македонски јазик.
Во партиското соопштени Каракачанов се заканува дека ако биде допуштен макар и еден невистинит историски факт или макар еден историски факт да биде заменет, ќе побара Бугарија да не ја поддржи кандидатурата на Македонија за НАТО и ЕУ.
