Диск голф го освојува светот, а го нема во Македонија!? ↓↓↓
Францускиот адреналински зависник Ален Робер, познат како „францускиот Спајдермен“, без дополнителна заштитна опрема и јаже за обезбедување, ја искачи Херон Тауер, 230 метри високата лондонска зграда.
А кога пристигна на врвот, таму го чекаа полицајци кои веднаш го уапсија поради неговиот потфат.
На 56-годишниот Французин му беше потребен еден час за да ја искачи зградата, а подвигот го следеа стотици минувачи, кои беа држани од полицијата на сигурна оддалеченост од зградата.
Тој на врвот на зградата е упасен поради нарушување на јавниот мир и во моментов е во притвор. „Инцидентот предизвика големо пореметување на секојдневнието во лондонсиот Сити , но донесе и голем ризик за луѓето внатре во зградата” , изјави портпаролката на полицијата, Карен Бакстер.
Робер почнал да се искачува по згради на 11-годишна возраст и од тогаш се качил без никаква заштита на над 150 облакодери низ целиот свет, меѓу кои и на највисокиот, Бурж Калифа, потоа на Ајфеловата кула и на операта во Сиднеј.
