Диск голф го освојува светот, а го нема во Македонија!? ↓↓↓
Kристијан Калб, експерт за спортско обложување кој е со светско реноме за српскиот медиум „Вечерни новости“ даде интервју во кое го образложи своето мислење за обвинувањата од „Л’Екип“ дека Црвена Звезда го наместила натпреварот против ПСЖ.
Францускиот медиум излезе со информација дека лице од клубот уплатило пет милиони евра на пораз на Звезда од пет голови разлика, ќе потсетиме натпреварот заврши со резултат 6:1.
Калб не верува во обвинувањата на „Л’Eкип“ и смета дека е тешко да се поверува во таквите информации.
„Во минатото веќе видовме случаеви каде што еден тим прифаќа да изгуби со одреден број голови разлика, како на пример во големиот скандал во Италија или во Шпанија. Меѓутоа тука сум изненаден од две работи. Прво најголемото изненадување е сумата. Се зборува за сума од вложени пет милиони евра. Никогаш не сум слушнал за такво нешто. Сум слушнал за милион или два, но не за пат. Тоа значи да се превземе голем ризик и покрај добра организација“.
„Доколку некој ми кажеше дека во прашање е пет милиони заработка и би можел да поверувам. Исто така, типот на обложување, на баш пет голови разлика ми изгледа ризичен, посебно кога се работи за таква сума. Ниту азиската мафија која е најдобро организирана не вложува толкава сума за нешто такво“, изјави помеѓу другото Калб.
Извор: Спортски.мк
