Диск голф го освојува светот, а го нема во Македонија!? ↓↓↓
Љубовта не е она што го гледаме во романтичните комедии од Холивуд. Напротив, преполна е со предизвици, но и награди.
Се прашувате, што е всушност вистинска љубов? Оваа емоција ќе ви помогне да спознаете во каква врска се наоѓате.
Радост
Го гледате, зениците ви се шират, усните ви се развлекуваат во широка насмевка, а срцето почнува да ви чука посилно. Среќни сте што го гледате? Тоа е еден од знаците дека имате вистинска љубов.
Можете вие да бидете позитивна личност, но вистинската радост е тешко да се одглуми, а длабоко во своето срце знаете дали сте среќни со некоја личност или не. И не, притоа не мислиме на радост предизвикана од материјални знаци на внимание, туку на онаа предизвиката со тоа што се наоѓате покрај личноста која ја сакате.
Внатрешен мир
Животот е преполн со успони и падови, работни драми, приватни заврзлами и други стресни ситуации. Имате ли некој кој ве опушта и смирува по предизвикувачкиот ден? Тој би можел да биде ваша вистинска љубов.
Личноста која ви помага да го постигнете вашиот внатрешен мир, е вредна злато. Не заборавајте и вие да бидете пример со своето однесување.
Страст надвор од спалната соба
Страста во спалната соба е важна за квалитетна врска, но уште поважно е да имате некого крај себе кој ќе биде страствен и во другите полиња во животот. Некој кој страствено ќе ужива во своето хоби, ќе ве поттикне да ги истражите сопствените желби, и ќе ве подддржи во остварување на вашите соништа.
