Се огласи поранешен италијански голман: Паѓав 30 метри, вистинско чудо е што сум жив

Вчерашната трагедија во Италија кога се сруши мост во Џенова ја потресе Италија и целиот свет, а потоа преку социјалните мрежи и медиумите се огласија неколку познати спортисти.

Стоперот на Џенова и соиграч на Горан Пандев, Доменико Кришито преку својот Инстаграм профил откри дека десетина минути пред трагедијата поминал преку мостот.

По Кришито се огласи и поранешниот голман на Каљари, Давиде Капело.

Капело е 35 годишен поранешен голман на Каљари, а сега откри дека тој бил на местото кога се случила големата трагедија.

„Чудо е што сум жив. Одев кон Џенова и бев на мостот. Слушнав голема бучава, а во следниот момент се се сруши. Паѓав 30 метри со автомобилот, луѓето кои беа таму ми помогнаа да излезам. Навистина е неверојатно што останав жив“.

„Често пати поминував по тој мост, тој е еден од најкористените во државата. Ја гледав улицата како се руши и тоа беше шок. Не сфаќам како мојот автомобил помина без поголема штета, ова е вистинско чудо“, изјави поранешениот голман на Каљари.