Диск голф го освојува светот, а го нема во Македонија!? ↓↓↓
Во интервју за ТВ Алфа, еден од најголемите уставни експерти во Македонија, професорката Гордана Силјановска зборуваше за можниот предлог што го најави Владата, како и за сите кршења на уставот и законите досега.
Универзитетската професорка Гордана Силјановска смета дека дека референдумско прашање во стилот „Дали сте за членство во ЕУ и НАТО со прифаќање на Договорот меѓу Република Македонија и Република Грција“?е непрецизно, конфузно и не ја таргетира суштината.
„Ова прашање е непрецизно, конфузно, сугестибилно. На рефрендумот има можност да се постават повеќе прашања одвоени. Комбинациите доволно говорат дека не е така“ вели Силјановска.
Дали сте за членство во ЕУ е едно прашање.
Дали сте за членство во НАТО е друго прашање.
Објаснете ми сега што е предмет на консултација со името. Објект на референдумското прашање треба да биде името. Референдумстото прашање треба да ја таргетира суштината.
„Рефернумското прашање треба да биде: ‘Дали сте за промена на името’“ рече професорката.
Во врска со можниот бојкот, таа кажа дека во законот за референдум јасно е дека на прашањето може да се одговори со да или со не, но исто така јасно е дека неизлегувањето на избори и негласањето е изразување на личен став.
Силјановска ги посочи примерите во 1991 и 2004 година каде имало бојкот. Посебно таа се наврати на бојкотот од 2004 година, каде посочи дека нема прашања што не заслужуваат одговор во однос на европската повелба која гласи дека не може да се изврши територијалната поделба, ако не се прашаат претходно граѓаните.
-Ние секој ден имаме кампања на медиумите, се појавуваат министри велат дека сите треба да гласаат „За“, дека не треба да има против. Не знам зошто организираме референдум кога сите треба да гласаат позитивно. Во врска со тоа ако референдумот е неуспешен, не може во период во 2 години да се постави истото референдумско прашање. Собранието е должно во рок од 60 дена да го уреди прашањето во согласност со резултатите од истиот. Се се враќа назад бидејќи не важат обврските на Грција и ние тоа го чувме од генералниот Секретар на НАТО, вели Силјановска
Силјановска додаде дека Владата и премиерот кога превземаат чекори во однос на референдумот, треба да ги имаат во предвид сите прашања, па и она во кое референдумот е неуспешен. Таа додаде дека повелбата на ОН зборува за право на самоопределување на секој народ како колективно право.
Според професорката тезата дека географската одредница е најдоброто решение не е точна.
