Диск голф го освојува светот, а го нема во Македонија!? ↓↓↓
Вчера во Брисел на новата рунда преговори, меѓу шефовите на дипломатиите на Македонија и Грција, Никола Димитров и Никос Коѕијас, била договорена рамката за промена на името на Македонија.
Дел од грчките медиуми најавуваат дека изминатите два дена телефонски разговор имале и премиерите Зоран Заев и Алексис Ципрас, а не е исклучено во следните денови да дојде до нов телефонски контакт, па дури и нова средба, јавува дописничката на МИА од Атина.
-Имавме продуктивна средба, имаме рамка што треба да се доработи и на неа во моментов правни тимови од двете министерства во Атина работат, се планира важен разговор на премиерско ниво, Заев со Ципрас кон средината на оваа недела, каде се надеваме дека ќе се пресечат некои важни работи од опциите што се во игра, изјави Димитров.
– Мислам дека тоа треба да го оставиме на премиерите. Видовме колку комуникациите околу процесот влијаат врз него, го имаме веќе тоа искуство да му дадеме шанса на процесот, изјави Димитров за МИА.
Шефот на македонската дипломатија утрово имаше неформален појадок со министри за надворешни работи на ЕУ или нивни заменици. Франција и Холандија биле најтврди во однос на почетокот на преговори, како што беше очекувано. Но, министерот смета дека “чуда се можни“.
-Убаво е да знаеме дека ова не е едноставно… Внатрешната консолидација во ЕУ е комплементарна а не спротивна на консилидацијата на Балканот, а доколку се случи овој историски пробив ќе биде шанса и за цела Европа да се создаде успех. Не сме во ситуација да имаме луксуз да пропуштаме историски шанси, изјави Димитров за МИА.
