Александар Вучковски - сомелиер: Како македонските вина го освојуваат светот? ↓↓↓
Менаџерот на Манчестер Јунајтед, Жозе Мурињо смета дека Пол Погба ќе остане на „Олд Трафорд“ и следната сезона.
Французинот, кој е најскапата аквизиција во историјата на Јунајтед во последно време се поврзува со други клубови, а последните информации се дека неговиот агент Мино Раиола водел разговори со четири клуба.
Сепак, Мурињо е категоричен дека не сака да се разделува со Погба и во клубот до сега не пристигнале никакви понуди за него.
„Мислам дека Пол ќе биде тука и следната сезона. Такво е моето чувство. Можам да гарантирам дека јас не сакам тој да замине, а клубот исто така не сака да го продава. Можам да гарантирам дека до сега не пристигнале понуди за него од други клубови. Исто така самиот Погба и неговиот агент не не известиле дека тој сака да си замине“, изјави Мурињо.
Медиумите тврдат дека Погба не е задоволен од односот кој Мурињо го има со него и поради тоа сака да си замине. Неговиот агент Раиола веќе разговарал со ПСЖ, Реал Мадрид, Манчестер Сити и Јувентус.
