Организаторите на протестите за „Заедничка Македонија“ Борис Дамовски, Богдан Илиевски како и пратеникот Љубен Арнаудов, излегуваат од притворското одделение во Шутка, откако Апелацискиот суд ги прифатил нивните жалби и им ја преиначи мерката притвор во домашен притвор, пренесува Нова Македонија.
На сите тројца ќе им бидат одземени пасошите, како мерка на претпазливост, потврдија од Апелацискиот суд.
Според информациите од судот, куќен притвор е определен и за Јане Ченто, за Иван Цветановски од тогашниот кабинет на спикерот Трајко Вељаноски и за Оливер Радулов од УБК. На сите тројца исто така ќе им бидат одземени пасошите.
Поранешниот министер за внатрешни работи и директор на Бирото за јавна безбедност, Митко Чавков, ќе остане во затворот во Шутка, одлучил судот.
За Горан Ангеловски и Илија Славевски од патриотските здруженија, како и за Сашо Марковски и Вилијам Михајловски, чии жалби Апелацискиот суд ги отфрли. Јохан Тарчуловски, пак, останува во куќен притвор.
