Александар Вучковски - сомелиер: Како македонските вина го освојуваат светот? ↓↓↓
На прв поглед, сигурно нема да и дадете повеќе од 25 години. Но, оваа чоколадна убавица има двојно повеќе. Разликата е во тоа што живее здрав живот и редовно вежба, за да има таков изглед.
Многу средовечни жени се борат со брчките, опуштена кожа и постпородилно стомаче, но таквите проблеми за 50 годишната мајка на две деца, Лајла Вајт, од Сингапур се само апстракција. На нејзиниот изглед можат да позавидат и двојно помлади девојки.
Лајла својата идеално дефинирана фигура ја одржува во форма изминативе 20 години, придржувајќи се на строги диети и режими на вежбање. Работи како личен тренер и открива дека вежбањето ја зголемило нејзината самодоверба и помогнало од слабичка девојка да стане „силна како бик“.
„Секогаш сум била слабичка, дури и после породувањата со моите деца. Да се биде домаќинка и мајка беше моја единствена и постојана кариера. Сфатив дека тоа е еден од најтешките предизвици и работи на светот. Бев импресионирана од телесната трансформација на брат ми кога влезе во национална служба на 18 години. Ми покажа неколку вежби кои ме заинтригираа и мотивираа да се запишам на курс за инструкторка по аеробик“, открива Лајла за Daily Mail.
Тренира пет до шест дена во неделата, а вежбите се состојат од 45-минутен тренинг за сила и 45-минутна кардио програма или јога. Главно јаде риба, пилешко и зеленчук, а има осумдесет килограми. Меѓутоа, вели дека некои луѓе имаат негативни коментари за нејзиниот мускулест изглед.
Лајла ги повикува сите оние кои сакаат да трансформираат своето тело, тоа да го сфатат како етапен процес, додавајќи: „Тоа не е успех преку ноќ. Немојте одма да целите на резултати, бидејќи тоа може да доведе до повреди. Информирајте се, читајте и гледајте од вистинските извори. Тоа е начин на живот, а не една точка. Заљубете се во процесот. Тоа е патување, набљудувајте како се развивате и славете го секое достигнување, а од секој неуспех учете ја лекцијата“.
