Александар Вучковски - сомелиер: Како македонските вина го освојуваат светот? ↓↓↓
Инспектор во СВР Скопје украл златен накит од куќа во која вршел увид по тешка кражба. Против него, како што соопшти полицијата, е поднесена кривична пријава до Основното јавно обвинителство.
МВР соопшти дека Одделот за внатрешна контрола, криминалистички истраги и професионални стандарди при МВР поднел кривична пријава против Ж.И. поради постоење основани сомненија дека со искористувањето на службените овластувања сторил кривично дело – „злоупотреба на службената положба и овластувања“.
Од страна на МВР против Ж.И. е поведена дисциплинска постапка и тој е суспендиран од работното место.
Полицаецот се сомничи дека искористувајќи ја својата службена позиција во тек на вршење на работна задача – увид во случај на тешка кражба во куќа – со намера да прибави за себе противправна имотна корист, неовластено одзел златен накит со што го извршил посоченото кривично дело.
По налог на ОЈО Скопје, лицето е лишено од слобода и е предадено на надлежен Јавен обвинител за понатамошна постапка.
