Александар Вучковски - сомелиер: Како македонските вина го освојуваат светот? ↓↓↓
Бившата угледна новинарка и водителка на популарната емисија Today Tonight ја шокираше јавноста со признанието дека после успешната кариера како новинарка во медиумите, стана елитна проститутка.
Овие денови таа на својот Инстаграм профил, на кој е позната под името Samantha X, објави дека се повлекува од ескорт бизнисот после цели шест години занимавање со тој „занает“.
„Никогаш повеќе нема веќе ескорт“, кратко напиша таа, споделувајќи фотографија од својот последен клиен кој имал 76 години и боледувал од Паркинсонова болест.
„Се пензионираш? Штета, сакав да те побарам за женa. Бог да те благослови, ќе ми фалат твоите сексистички и расистички вицови“, биле зборовите кои ги добила од нејзиниот последен клиент, пренесува таа.
Саманта, која своите услуги ги наплаќаше по околу 800 долари од час, и понатаму ќе ја води својата ескорт агенција, само што повеќе нема лично да се дружи со клиентите.
„Да бидеме реални, заработката е одлична. Наплаќав по час повеќе од поголемиот број адвокати. Го прошетав светот патувајќи со авион. Ако хотелската соба не беше претседателски апартман, не влегував во неа. Вечера од четири часа наплаќав по 3.000 долари и секогаш клиентите го плаќаа тоа“, порача 40-годишната Аманда.
Таа објасни дека, освен што планира да ја води агенцијата, ќе почне да нуди и советодавни услуги за љубовни врски, кои ќе ги наплаќа по 600 долари од час.
