Моабет со Борче Стаменов, креаторот на "Донирај компјутер" ↓↓↓
Македонија го слави огромниот успех на Вардар, Чедомир Јаневски после натпреварот натпреварот во Турција истакна дека ваквите моменти не се купуваат со пари, но јасно е дека Вардар добро ќе го наполни „ќесето“.
Според пресметките македонскиот шампион ќе добие 2.6 милиони евра за влез во групната фаза од најмасовното европско натпреварување, но тоа е како што споменавме само за влезот во фазата по групи, тука не се пресметани трите домашни средби, парите од карти, телевиските права, но и евентуална победа или реми во Лигата на Европа.
Како што е познато УЕФА за победа во второто по ранг натпреварување во Европа дава бонус од 320.000 евра, додека за реми се добива 120.000 евра, вардарци ќе имаат прилика во шест натпревари колку што ќе одиграат во групната фаза да остварат дополнителна заработка.
Покрај овие средства, Вардар веќе обезбеди 1.2 милиони евра за настапот во квалификациите, што значи дека со сумата од 2.6 милиони евра веќе има скоро четири милиони евра сигурни пари, што за македонски услови воопшто не е мала сума.
Колку овие пари можат да значат за македонскиот спорт говори и податокот што Сергеј Самсонеко вложи сума од околу 6.5 милиони евра за двата спортски објекти кои ги изгради, тренинг кампот и фудбалската академија, пишува Спортски.мк.