Осум луѓе осомничени за вмешаност во нападот во понеделникот во подземната железница во Санкт Петербург, во кој загинаа 13 лица, се уапсени во овој град, но и во Москва, објавија во четврток руските истражни органи.
Шест лица се уапсени во Санкт Петербург, а две во Москва заради вмешаност во атентатот, се наведува во соопштението.
Ова се првите апсења по нападот, а сложената истрага ја изведоа безбедносната служба ФСБ и полицијата.
Истражителите во домовите на уапсените пронашле „експлозивна направа идентична на онаа пронајдена и деактивирана на станицата Востанија на метрото во Санкт Петербург.
Исто така, било пронајдено и огнено оружје и муниција.
Осумте уапсени имаат имиња и презимиња од централна Азија, се вели во соопштението.
Се смета дека самоубиствениот напад го извел Акбардзон Џалилов, роден на југот на Киргистан.
ФСБ објави во четврток наутро дека пиротехничарите деактивирале експлозивна направа пронајдена во една зграда во источниот дел на Санкт Петербург.
