Александар Вучковски - сомелиер: Како македонските вина го освојуваат светот? ↓↓↓
Францускиот стратег Арсен Венгер се наоѓа под голем притисок бидејќи навивачите на Арсенал бараат негово заминување од клубот на крајот на сезоната.
На Венгер му истекува договорот со лондонскиот клуб на крајот на сезоната, но тој сеуште нема намера да го напушти „Емирати“. Искусниот стратег е под се поголем притисок, но јасно им порача на фановите дека нема така лесно да го напушти овој клуб.
Венгер пред медиумите ги коментираше случувањата во клубот во последно време и им испрати јасна порака на играчите и навивачите дека не можат тие да бираат кој ќе биде тренер на Арсенал.
„На играчите и навивачите не им е работа да бираат тренер кога ќе посакаат. Фудбалерите мораат да играат што подобро, а раководството на клубот треба на крајот да одлучи кој ќе биде тренер. Јас верувам дека ние сме најдобриот клуб на светот и мораме да покажеме дека го браниме сето тоа што овој клуб го претставува. Играчите се спемни да се борат и се надевам дека наредната сезона ќе покажат уште поголема сила“, истакна Венгер.
